Sumo რობოტების შეჯიბრი

საქართველოს რობოტიკის ასოციაციის (GRA) ორგანიზებით რობოტების ბრძოლა-Robo Battle 2025-ის ფარგლებში ასევე გაიმართება Sumo რობოტების შეჯიბრი.

ღონისძიების მიზანია მთელი საქართველოს მასშტაბით გააერთიანოს ინოვატორები, ინჟინრები, ტექნოლოგიებითა და რობოტიკით დაინტერესებული პირები, რომლებიც საკუთარი დიზიანით შექმნიან ბრძოლისთვის მზად რობოტებს და შეერკინებიან გუნდებს სხვადასხვა წონით კატეგორიაში.

ღონისძიება გაიმართება 26 ივლისს, რადიო ქალაქში ერთი სრული დღის განმავლობაში, რომლის ფარგლებშიც იქნება გამოფენა, ინტერაქციული აქტივობები, SUMO რობოტების შეჯიბრი და საბოლოო რობოტების ბრძოლა.

SUMO რობოტების შეჯიბრებაში მონაწილეობის პირობები:

• შეჯიბრებაში მონაწილეობა შეუძლია 14 წელს ზემოთ ნებისმიერ დაინტერესებულ პირს, რომელსაც სურს მონაწილეობა და აქვს შესაბამისი აღჭურვილობა. შეჯიბრებაზე დაიშვება სასკოლო გუნდებიც.
• გასათვალისწინებელია, რომ ყველა დავალებას რობოტი უნდა ასრულებდეს დამოუკიდებლად პროგრამული კოდის გამოყენებით. დაუშვებელია შეჯიბრების დროს მონაწილემ რობოტი დისტანციურად მართოს.
• პროექტში მონაწილეობა უფასოა, თუმცა პროექტი არ ფარავს მონაწილეთა ტრანსპორტირების ხარჯებს ღონისძიების ადგილამდე და უკან.

SUMO რობოტის სპეციფიკაციები

• 0,5 კგ-მდე რობოტები, რომლებიც ჩაეტევიან 15x15 სმ ზომის ყუთში
• 0,5-დან 3 კგ-მდე რობოტები, რომლებიც ჩაეტევიან 25x25სმ ზომის ყუთში

ჯგუფის წევრების მინიმალური რაოდენობა 2, მაქსიმალური კი 5 პირია. (იმ შემთხვევაში თუ გუნდში მონაწილე პირი არის არასრულწლოვანი, აუცილებელია გუნდში ჰყავდეს მინიმუმ ერთი სრულწლოვანი, 18+ მონაწილე პირი).შესაძლებელია გუნდმა ერთზე მეტ წონით კატეგორიაში მიიღოს მონაწილეობა, შესაბამისი წესების დაცვით.

გუნდის წევრები პასუხისმგებლები იქნებიან საკუთარი რესურსებით შექმნან SUMO რობოტი და მოემზადონ ფინალური დღისთვის.

რეგისტრაციამდე საჭირო იქნება დაინტერესებული პირები გაეცნონ SUMO რობოტების ბრძოლაში მონაწილეობის წესებს: https://bit.ly/4k4qQ6q

მონაწილეობის მსურველმა ელექტრონული სააპლიკაციო ფორმა უნდა შეავსოს არა უგვიანეს 2025 წლის 30 მაისისა: https://forms.gle/66a1Tgdq98v9Bf149

ფორმას ავსებს გუნდის 1 წევრი

გუნდების შერჩევის პროცესი მოიცავს ორ ეტაპს. პირველ ეტაპზე სააპლიკაციო ფორმის შერჩევის შემდეგ რეგისტრირებული მონაწილეები მიიღებენ საინფორმაციო მეილს. მეორე ეტაპზე შერჩეულ გუნდებთან მოხდება რობოტების გადამოწმება და საბოლოო დასტურის შემდეგ მოემზადებიან შეჯიბრის დღისთვის.