საქართველოს რობოტიკის ნაკრები RoboChallenge 2026-ზე

პროექტის შესახებ

2026 წლის 30 ოქტომბრიდან 2 ნოემბრამდე საქართველოს რობოტიკის ნაკრები პირველად მიიღებს მონაწილეობას ბუქარესტში (რუმინეთი) გამართულ RoboChallenge 2026-ზე. ეროვნული ჩემპიონატის სამი გამარჯვებული გუნდი საქართველოს სამ კატეგორიაში წარადგენს:

• Mega Sumo
• Mini Sumo
• Line Follower

ნაკრები აერთიანებს სტუდენტურ და ოჯახურ გუნდებს — ჯამში 12 მონაწილეს, რომლებიც ქვეყანას პირველად წარადგენენ ამ მასშტაბის საერთაშორისო ჩემპიონატზე.

ეროვნული ჩემპიონებიდან — საერთაშორისო სცენაზე

2026 წლის 20 ივნისს თბილისში, GRA-ს ორგანიზებით გაიმართა საქართველოს STEAM და რობოტიკის ჩემპიონატი 2026, რომელმაც ერთ სივრცეში გააერთიანა სკოლის მოსწავლეები, სტუდენტები და ახალგაზრდა ინჟინრები მთელი ქვეყნიდან: 80+ მონაწილე გუნდი, 5000+ სტუმარი და 3 გამარჯვებული გუნდი.

რა არის RoboChallenge 2026?

ევროპის ერთ-ერთი ყველაზე მასშტაბური საერთაშორისო რობოტიკის ჩემპიონატი (მე-17 გამოცემა), რომელიც აერთიანებს მსოფლიოს სხვადასხვა ქვეყნიდან ასობით გუნდს, ახალგაზრდა ინჟინერსა და რობოტიკის ენთუზიასტს: 48 ქვეყანა, 326+ გუნდი, 1300+ მონაწილე, 483+ რობოტი.

რას მოხმარდება თანხა

RoboChallenge-ის ორგანიზატორი არ ფარავს გუნდების მგზავრობის, განთავსებისა და მომზადების ხარჯებს. ნაკრების მონაწილეობისთვის საჭიროა 23,000 ლარი:

• ავიაბილეთები — გუნდების საერთაშორისო მგზავრობა
• განთავსება — სასტუმრო / საცხოვრებელი ბუქარესტში
• რობოტების მომზადება — კომპონენტები, ტექნიკური განახლება, ტესტირება
• ნაკრების ბრენდინგი — ფორმები, მასალები და მედია კონტენტი

კომპანიებისთვის

მხარდაჭერის ფორმატი მოქნილია: შესაძლებელია დარჩენილი თანხის სრულად დაფინანსება ან მისი ნაწილის დაფარვა. პარტნიორი კომპანია წარმოდგენილი იქნება ნაკრების ოფიციალურ პარტნიორად:

• ლოგო ნაკრების ფორმებზე, ბანერზე და საკომუნიკაციო მასალებზე
• აღნიშვნა GRA-ს სოციალურ მედიაში: გუნდების წარდგენა, ვიდეოები ადგილიდან და შემაჯამებელი კონტენტი
• ბრენდის დაკავშირება ნაკრების პირველ მონაწილეობასთან RoboChallenge 2026-ზე

დაგვიკავშირდით: info@gra.ge · +995 551 08 04 04