GRA TechMeet × TechCrush-ის ახალი სერიის პირველი შეხვედრა: თამარ მახარაშვილი (Google) და ჰეიდენ ნილსენი (Tesla) მონაცემთა ცენტრებსა და რობოტიკაზე წარმოებაში; მოდერატორი ნანა დიხამინჯია. უფასოა, ინგლისურ ენაზე, საჭიროა რეგისტრაცია.
რობოტიზებული წარმოება და მონაცემთა ცენტრები
საქართველოს რობოტიკის ასოციაცია (GRA) და TechCrush იწყებენ ტექნოლოგიური შეხვედრების ახალ სერიას, რომელიც საქართველოს ტექნოლოგიურ საზოგადოებას აკავშირებს მსოფლიოს სხვადასხვა ქვეყანაში მომუშავე პროფესიონალებთან, მკვლევრებთან, დამფუძნებლებთან და დარგის ექსპერტებთან.
სერიის იდეა მარტივია: შევქმნათ მუდმივი სივრცე, სადაც საქართველოში მყოფ ადამიანებს შეეძლებათ პირდაპირ მოისმინონ მათგან, ვინც დღევანდელ და ხვალინდელ ტექნოლოგიებს ქმნის - არა მხოლოდ პრეზენტაციებით, არამედ ცოცხალი საუბრით მათ საქმეზე, გამოცდილებაზე, კარიერულ გზაზე, დღევანდელ გამოწვევებსა და იმ ტექნოლოგიებზე, რომლებიც გლობალურ ინდუსტრიებს ცვლის.
სერიის პირველი შეხვედრა, „რა ამოძრავებს მომავალს?“, გაიმართება 2026 წლის 25 ოქტომბერს, 12:00 საათზე, ილიაუნის თეატრში, თბილისში. შეხვედრა ეძღვნება თანამედროვე ტექნოლოგიური ინფრასტრუქტურის ორ მნიშვნელოვან სფეროს: რობოტიზებულ წარმოებასა და მონაცემთა ცენტრებს.
ღონისძიების თანაორგანიზატორია ილიაუნის ტექნოლოგიური მეწარმეობის ცენტრი პროექტ ELICIA-ს ფარგლებში - ევროპის ინოვაციისა და ტექნოლოგიის ინსტიტუტის EIT HEI Initiative-ის გამარჯვებული პროექტის.
ღონისძიების სათემო პარტნიორია Startup Grind Tbilisi.
მაღალავტომატიზებული ქარხნებიდან ღრუბლოვანი გამოთვლებისა და ხელოვნური ინტელექტის ფიზიკურ სისტემებამდე - ეს ორი სფერო ცვლის, როგორ იქმნება ფიზიკური პროდუქტები და როგორ მუშაობს ციფრული სამყარო დიდ მასშტაბზე.
შეხვედრა მხოლოდ პრეზენტაციებით არ შემოიფარგლება: მონაწილეები ჩაერთვებიან დისკუსიაში, უშუალოდ ესაუბრებიან მომხსენებლებს და დაუსვამენ კითხვებს ტექნოლოგიებზე, ინჟინერიაზე, ინდუსტრიაზე, კარიერულ განვითარებასა და მსოფლიოს წამყვან ტექნოლოგიურ კომპანიებში მუშაობის რეალობაზე.
თუ დარეგისტრირდით და ვერ მოდიხართ, გთხოვთ, შეგვატყობინოთ მინიმუმ სამი დღით ადრე, რომ თქვენი ადგილი სხვა მონაწილეს გადავცეთ.
GRA TechMeet × TechCrush - ადამიანები, გამოცდილება და ტექნოლოგიები, რომლებიც მომავალს ქმნის.
კონტაქტი: info@gra.ge
თამარ მახარაშვილი, EMC Design Engineer, Google
თემა: მონაცემთა პაკეტის მოგზაურობა
თამარ მახარაშვილი, Ph.D., არის წამყვანი EMC დიზაინ-ინჟინერი Google Cloud-ის Platforms Infrastructure Engineering (PIE) განყოფილებაში. ის ქმნის, აუმჯობესებს და აწვდის საიმედო, მაღალი წარმადობის ფიზიკურ აპარატურულ ინფრასტრუქტურას, რომელზეც დგას Google-ის გლობალური ღრუბლოვანი ეკოსისტემა და ახალი თაობის AI სისტემები. თამარი აღიარებული ექსპერტია ელექტრომაგნიტური თავსებადობის (EMC) დიზაინში მაღალსიჩქარიანი კავშირის, მუდმივი დენის განაწილებისა და თაროს დონის რთული არქიტექტურებისთვის. მისი საქმე აკავშირებს ფიზიკური დონის ელექტროინჟინერიას მონაცემთა ცენტრის მასშტაბის მაღალი სიმჭიდროვის სისტემებთან.
ჰეიდენ ნილსენი, Senior Technical Program Manager, Tesla
თემა: რობოტიკა წარმოებაში
ჰეიდენ ნილსენი Tesla-ს უფროსი ტექნიკური პროგრამების მენეჯერია, რომლის სპეციალიზაციაა წარმოების ინოვაციები და სამრეწველო პროცესების ოპტიმიზაცია. ის მართავს 350 მილიონ დოლარზე მეტი ღირებულების კაპიტალური ხარჯების პორტფელს მასალების ინჟინერიაში, ხელმძღვანელობს სხვადასხვა მიმართულების საინჟინრო გუნდებს და რთული დანადგარების ინტეგრაციას. სერტიფიცირებული პროექტების მართვის პროფესიონალი (PMP) ჰეიდენი AI ავტომატიზაციასა და მონაცემთა ანალიტიკას იყენებს წარმოების მოდერნიზაციისთვის. აქვს ბაკალავრის ხარისხი ინჟინერიასა და სამრეწველო მენეჯმენტში მისურის მეცნიერებისა და ტექნოლოგიის უნივერსიტეტიდან.
საუბარს უძღვება ნანა დიხამინჯია, ინჟინერი და საქართველოს რობოტიკის ასოციაციის სამრჩეველო საბჭოს წევრი.
ნანა დიხამინჯია მათემატიკოსი, ტექნოლოგიური ლიდერი და ინკლუზიური ინოვაციების მხარდამჭერია. ის საქართველოს უნივერსიტეტის რექტორის მრჩეველია ტექნოლოგიური განვითარების საკითხებში, საქართველოს კვანტური გამოთვლების ასოციაციის დამფუძნებელი და მცირე საინჟინრო კომპანია Clear Signal Solutions-ის თანადამფუძნებელი. მისი საქმიანობა მოიცავს კომპიუტერულ ინჟინერიას, ციფრულ განათლებას და ქალებისა და ახალგაზრდებისთვის STEM-ში შესაძლებლობების გაფართოებას. მას არაერთი ეროვნული და საერთაშორისო ტექნოლოგიური განათლების ინიციატივა უხელმძღვანელია, მათ შორის Technovation Girls Georgia.
LOVE · STEAM · ROBOTS 20 ივნისს, რადიოქალაქში (District 4), საქართველოს რობოტიკის ასოციაციის (GRA) ორგანიზებით გაიმართება საქართველოს STEAM და რობოტიკის ჩემპიონატი 2026 — ერთდღიანი ტექნოლოგიური ფესტივალი, რომელიც გააერთიანებს მოსწავლეებს, სტუდენტებს, ახალგაზრდა ინჟინრებს, სკოლებს, უნივერსიტეტებს, ტექნოლოგიურ კომპანიებსა და ტექნოლოგიებით დაინტერესებულ ვიზიტორებს.
შემოუერთდით საქართველოს რობოტიკის ასოციაციის შეხვედრას 24 მაისს Terminal-ში. შეხვედრის ფარგლებში მოწვეული სტუმარი იქნება ნიკა ალავიძე - კომპანია Nasolutions-ის დამფუძნებელი, რომელიც ისაუბრებს ინჟინერიასა და ტექნოლოგიურ ინდუსტრიაში მიღებულ პრაქტიკულ გამოცდილებაზე. ასევე შეხვდებით კომპანია Koober Coders-ს, გავაზიარებთ ინფორმაციას 20 ივნისის რობოტიკის შეჯიბრებისა და ტექნოლოგიური ღონისძიებების შესახებ და შეხვედრის ბოლოს გაიმართება კითხვა-პასუხის სესია რობოტიკის ქომუნითისთან.
მოემზადეთ რობოტების დაუვიწყარი შერკინებისთვის! 🔥 დიდხნიანი მოლოდინი დასრულდა - რობოტების ბრძოლა ბრუნდება და ისინი რეალურ არენაზე შეერკინებიან ერთმანეთს! საქართველოს რობოტიკის ასოციაციის ორგანიზებით, 2026 წლის ნოემბერში, თბილისში, გაიმართება წლის ერთ-ერთი ყველაზე ხმაურიანი ტექნოლოგიური მოვლენა - საქართველოს რობოტების ბრძოლის ჩემპიონატი | Robo Battle 2026 შეარჩიე შენი წონითი კატეგორია და ააწყე საბრძოლო რობოტი საკუთარი დიზაინით: • Antweight – 500 g (Pilot) • Beetleweight – 1.5 kg • Hobbyweight – 5.4 kg • Featherweight – 13.6 kg • Lightweight – 27 kg (Pilot)
En 