უფასო, 2-საათიანი პრაქტიკული ონლაინ ვორქშოპი GRA-ს ქსელის წევრი სკოლების მასწავლებლებისთვის: როგორ დავგეგმოთ და ვმართოთ საკლუბო აქტივობები (რობოტიკა, STEM, ელექტრონიკა, ხელოვნური ინტელექტი) AI-ის ხელსაწყოებით. 1 დეკემბერი, 19:00.
მხოლოდ GRA-ს ქსელის წევრი სკოლების მასწავლებლებისთვის; ერთი სკოლიდან რამდენიც გსურთ. რეგისტრაციისას მიუთითეთ სკოლა. სკოლა ჯერ არ არის წევრი? გაწევრიანება
საქართველოს რობოტიკის ასოციაცია (GRA) იწვევს ქსელის წევრი სკოლების მასწავლებლებს უფასო ონლაინ ვორქშოპზე. ორ საათში პრაქტიკულად ვისწავლით, როგორ დავგეგმოთ და ვმართოთ საკლუბო აქტივობები ხელოვნური ინტელექტის (AI) ხელსაწყოების დახმარებით.
ვორქშოპი გამოადგება მასწავლებელს, რომელიც სკოლაში კლუბს ხელმძღვანელობს ან მის დაწყებას გეგმავს რობოტიკის, STEM-ის, ელექტრონიკის ან ხელოვნური ინტელექტის მიმართულებით. AI-ის გამოყენების წინა გამოცდილება საჭირო არ არის.
ვორქშოპი უფასოა და განკუთვნილია GRA-ს ქსელის წევრი სკოლების მასწავლებლებისთვის. ერთი სკოლიდან მონაწილეთა რაოდენობა შეზღუდული არ არის, მთავარია, სკოლა იყოს ასოციაციის წევრი. რეგისტრაციისას მიუთითეთ სკოლა, სადაც ასწავლით: საიტი წევრობას თავად ამოწმებს.
თქვენი სკოლა ჯერ არ არის ქსელის წევრი? გაიგეთ, როგორ გახდება სკოლა GRA-ს ქსელის წევრი. განაცხადს სკოლის დირექტორი ადასტურებს, ამიტომ ჯობს, ეს ვორქშოპამდე დროულად გააკეთოთ.
რეგისტრაცია გრძელდება 1 დეკემბრის 17:00-მდე.
რა სჭირდება კარგ კლუბს: მიზანი, მოსწავლეები, განრიგი და შედეგი. რაში დაგვეხმარება AI ასისტენტი და სად არ უნდა ვენდოთ მას.
პრაქტიკა: AI ასისტენტთან ერთად ვადგენთ კლუბის 12-კვირიან გეგმას, მიზნებიდან თემებამდე და შეხვედრების თანმიმდევრობამდე.
ერთი შეხვედრის დეტალური სცენარი, დავალებები და მოკლე ქვიზი; ერთი და იგივე დავალება სხვადასხვა დონის მოსწავლეებისთვის.
5 წუთი.
კომუნიკაცია მოსწავლეებთან და მშობლებთან, დავალებების გაცემა და შემოწმება, უკუკავშირი, პროგრესის აღრიცხვა და კლუბის შედეგების წარდგენა.
მოსწავლეების მონაცემების დაცვა, AI-ის პასუხების გადამოწმება, აკადემიური კეთილსინდისიერება. პასუხები თქვენს კითხვებზე.
ვორქშოპი 21:00-ზე სრულდება. პროგრამაში შესაძლოა მცირე ცვლილებები შევიდეს.
დიახ, მონაწილეობა უფასოა.
GRA-ს ქსელის წევრი სკოლების მასწავლებლებს. ერთი სკოლიდან მონაწილეთა რაოდენობა შეზღუდული არ არის. რეგისტრაციისას საიტი ამოწმებს, აქვს თუ არა სკოლას ამ სასწავლო წლის აქტიური წევრობა.
სკოლის განაცხადი gra.ge/ka/network/apply გვერდზე ივსება. ხელმოსაწერი წერილი სკოლის ოფიციალურ ელფოსტაზე მოდის, დირექტორი მას ხელს აწერს და ატვირთავს, შემდეგ GRA წევრობას ადასტურებს. დადასტურების შემდეგ სკოლის მასწავლებლები ვორქშოპზე დარეგისტრირებას შეძლებენ.
ჩაწერეთ სკოლის სრული სახელი (მაგალითად, „ქ. თბილისის №51 საჯარო სკოლა“). თუ სკოლა წევრია, მაგრამ საიტი უარს გეუბნებათ, მოგვწერეთ info@gra.ge-ზე და დაგეხმარებით.
კომპიუტერი ან ლეპტოპი სტაბილური ინტერნეტით და უფასო ანგარიში ერთ-ერთ AI ასისტენტზე (მაგალითად, ChatGPT, Gemini ან Claude). პროგრამირების ან AI-ის წინა გამოცდილება საჭირო არ არის.
ბმულს 1 დეკემბერს, ვორქშოპის დაწყებამდე, იმ ელფოსტაზე გამოგიგზავნით, რომლითაც gra.ge-ზე ხართ დარეგისტრირებული. შეამოწმეთ „სპამის“ საქაღალდეც. თუ ბმული არ მოგივიდათ, მოგვწერეთ: info@gra.ge.
GRA TechMeet × TechCrush-ის ახალი სერიის პირველი შეხვედრა: თამარ მახარაშვილი (Google) და ჰეიდენ ნილსენი (Tesla) მონაცემთა ცენტრებსა და რობოტიკაზე წარმოებაში; მოდერატორი ნანა დიხამინჯია. უფასოა, ინგლისურ ენაზე, საჭიროა რეგისტრაცია.
LOVE · STEAM · ROBOTS 20 ივნისს, რადიოქალაქში (District 4), საქართველოს რობოტიკის ასოციაციის (GRA) ორგანიზებით გაიმართება საქართველოს STEAM და რობოტიკის ჩემპიონატი 2026 — ერთდღიანი ტექნოლოგიური ფესტივალი, რომელიც გააერთიანებს მოსწავლეებს, სტუდენტებს, ახალგაზრდა ინჟინრებს, სკოლებს, უნივერსიტეტებს, ტექნოლოგიურ კომპანიებსა და ტექნოლოგიებით დაინტერესებულ ვიზიტორებს.
შემოუერთდით საქართველოს რობოტიკის ასოციაციის შეხვედრას 24 მაისს Terminal-ში. შეხვედრის ფარგლებში მოწვეული სტუმარი იქნება ნიკა ალავიძე - კომპანია Nasolutions-ის დამფუძნებელი, რომელიც ისაუბრებს ინჟინერიასა და ტექნოლოგიურ ინდუსტრიაში მიღებულ პრაქტიკულ გამოცდილებაზე. ასევე შეხვდებით კომპანია Koober Coders-ს, გავაზიარებთ ინფორმაციას 20 ივნისის რობოტიკის შეჯიბრებისა და ტექნოლოგიური ღონისძიებების შესახებ და შეხვედრის ბოლოს გაიმართება კითხვა-პასუხის სესია რობოტიკის ქომუნითისთან.
En 