RC მანქანების ჩემპიონატი 2026

2026 წლის 20 ივნისს საქართველოს რობოტიკის ასოციაციის (GRA) ორგანიზებით და RC კახას (Kakhas RC) პარტნიორობით, საქართველოს STEAM და რობოტიკის ჩემპიონატის ფარგლებში, Radio City | District 4-ში RC მანქანების ჩემპიონატი გაიმართა.

RC Racing აერთიანებს ტექნოლოგიებს, ინჟინერიას, მოტორსპორტის ელემენტებსა და მართვის უნარებს. მონაწილეები საკუთარი რადიომართვადი მანქანებით სპეციალურად მოწყობილ ტრასაზე შეეჯიბრნენ ერთმანეთს სიჩქარეში, სიზუსტესა და მართვის ტექნიკაში. მონაწილეობა ინდივიდუალური იყო — თითოეული მრბოლელი საკუთარი მანქანით ასპარეზობდა.

საქართველოს რობოტიკის ასოციაციამ 1500 ლარის საპრიზო ფონდი დააწესა, რომელიც პირველ, მეორე და მესამე ადგილებს შორის გადანაწილდა.

ჩემპიონატის მიზანი იყო RC ჰობის პოპულარიზაცია საქართველოში, მონაწილეთა ტექნიკური უნარების განვითარება და RC საზოგადოების გაძლიერება. RC მანქანები ROBO BATTLE-ზეც იყო — იხილეთ ROBO BATTLE 2025.

შემდეგი ჩემპიონატი და რეგისტრაცია: RC მანქანების ჩემპიონატი. ასოციაციის ყველა ჩემპიონატი — GRA-ს ისტორიაში.

ჩემპიონატის პარტნიორია RC კახა (Kakhas RC), რომელმაც RC მანქანები, მოდელიზმი და რადიომართვადი ტექნოლოგიები საკუთარ სივრცეშიც წარმოადგინა. საქართველოს STEAM და რობოტიკის ჩემპიონატის პარტნიორები იყვნენ: ილიას სახელმწიფო უნივერსიტეტი, IT Academy Step Georgia, RC კახა (Kakhas RC), სამაგიდო თამაშების გილდია, თამაშობანა, პირველადი დახმარების ცენტრი, სამეცნიერო კიბერუსაფრთხოების ასოციაცია და დრონების სკოლა. მადლობა ყველა მრბოლელსა და სტუმარს!