რობო-ფესტივალი 2024: სასკოლო რობოტების და SUMO შეჯიბრი

2024 წლის 15–16 ივნისს საქართველოს რობოტიკის ასოციაციის (GRA) ორგანიზებით თბილისში, Sportfest 2024-ის ფარგლებში, რობო-ფესტივალი გაიმართა. ფესტივალი ორ შეჯიბრს აერთიანებდა:

• რობოტების სასკოლო შეჯიბრი — მონაწილეობა შეეძლო საქართველოს ნებისმიერ საჯარო და კერძო სკოლას, რომელსაც რობოტის შესაბამისი აღჭურვილობა ჰქონდა;
• SUMO რობოტების შეჯიბრი — 16 წელს ზემოთ ნებისმიერი დაინტერესებული პირისთვის; დაიშვებოდნენ სტუდენტური და სასკოლო გუნდებიც.

გუნდები ორ ეტაპად შეირჩა: ჯერ სააპლიკაციო ფორმები გადაირჩა, შემდეგ კი შერჩეული გუნდების რობოტები გადამოწმდა და საბოლოო დასტურის მერე გუნდები შეჯიბრის დღისთვის მოემზადნენ.

სასკოლო რობოტების კატეგორიაში 20 გუნდი ეჯიბრებოდა ერთმანეთს ლაბირინთის, ზიგზაგისა და სწორი ხაზის გავლაში. თითო გუნდის ერთ რობოტს სამივე ამოცანა უნდა შეესრულებინა, ამიტომ იმარჯვებდა ის, ვინც სისწრაფესა და სიზუსტეს ყველაზე კარგად შეუთავსებდა ერთმანეთს.

სამივე მიმართულების შეჯამებით გამოვლინდა გამარჯვებული სამეული:

• 🥇 „RoboRangers“ — ლაგოდეხის №1 საჯარო სკოლა;
• 🥈 „ლოკოკინა“ — ჟიული შარტავას სახელობის ქ. რუსთავის №4 საჯარო სკოლა;
• 🥉 „ჰაკერები“ — ტყიბულის მუნიციპალიტეტის სოფ. ცუცხვათის საჯარო სკოლა.

„ლოკოკინა“ ჩვენთვის ნაცნობი გუნდია: მან 2022 წლის პირველ სასკოლო შეჯიბრში mBot კატეგორიაში გაიმარჯვა.

SUMO რობოტების შეჯიბრში ორი ავტონომიური რობოტი ერთმანეთის რინგიდან გაძევებას ცდილობს — დისტანციური მართვის გარეშე, მხოლოდ სენსორებითა და საკუთარი პროგრამით.

SUMO კატეგორიაში 17 გუნდი დარეგისტრირდა, ფინალში 6 გავიდა, გამარჯვება კი გუნდმა ECE21 W მოიპოვა. რინგზე არაერთი დაძაბული ბრძოლა გაიმართა.

გამარჯვებულებს საჩუქრად ელექტრონული კომპონენტების ნაკრებები გადაეცათ — რომ თავიანთი რობოტები კიდევ უფრო განავითარონ.

2025 წელს ასოციაციამ კიდევ უფრო დიდი ღონისძიება გამართა — ROBO BATTLE 2025, სადაც SUMO-სთან ერთად პირველად გაიმართა საბრძოლო რობოტების ჩემპიონატი. მიმდინარე შეჯიბრები: SUMO და Line Follower და სასკოლო რობოტები. ყველა ჩემპიონატი წლების მიხედვით — GRA-ს ისტორიაში.