ROBO BATTLE 2026-2027-ის რეგისტრაცია ხელახლა გაიხსნა! საქართველოს საბრძოლო რობოტების ჩემპიონატზე გუნდებს ვიღებთ ოთხ წონით კატეგორიაში: 500 გ, 1.5 კგ, 5.4 კგ და 13.6 კგ. რეგისტრაცია 25 დეკემბრამდე, ჩემპიონატი 2027 წლის თებერვლის ბოლოს ან მარტის პირველ ნახევარში.
საქართველოს რობოტიკის ასოციაცია ხელახლა აცხადებს რეგისტრაციას ROBO BATTLE 2026-2027-ზე — საქართველოს საბრძოლო რობოტების ჩემპიონატზე.
Robo Battle არის საინჟინრო შეჯიბრი, სადაც გუნდები საკუთარი დიზაინით ქმნიან დისტანციურად მართვად საბრძოლო რობოტებს და სპეციალურად მოწყობილ, უსაფრთხო არენაზე ერთმანეთს ეჯიბრებიან. შეჯიბრი აერთიანებს ინჟინერიას, მექანიკას, ელექტრონიკას, დიზაინსა და საბრძოლო სტრატეგიას.
ჩემპიონატი სავარაუდოდ 2027 წლის თებერვლის ბოლოს ან მარტის პირველ ნახევარში გაიმართება. ოფიციალურ თარიღსა და ადგილს გუნდები რეგისტრაციის დასრულებამდე მიიღებენ.
მონაწილე უნდა იყოს მინიმუმ 16 წლის. გუნდი შედგება 2-5 წევრისგან და მასში უნდა იყოს სულ მცირე ერთი სრულწლოვანი. 18 წლამდე მონაწილეს სჭირდება მშობლის ან კანონიერი წარმომადგენლის წერილობითი თანხმობა.
შეჯიბრი განახლებული წესებით ტარდება. რეგისტრაციამდე ყურადღებით გაეცანით მათ: ROBO BATTLE 2026-2027: მონაწილეობისა და რობოტის აწყობის წესები (PDF). ინგლისური ვერსია: Team Rules (PDF). ტექსტებს შორის განსხვავებისას უპირატესობა ქართულ ვერსიას ენიჭება.
კითხვები: info@gra.ge
#RoboBattle
| კატეგორია | მაქსიმალური მასა | საფასური |
|---|---|---|
| GRA Antweight | 500 გ | 50 ₾ |
| Beetleweight | 1.5 კგ | 50 ₾ |
| Hobbyweight | 5.4 კგ | 50 ₾ |
| Featherweight | 13.6 კგ | 50 ₾ |
საფასური განისაზღვრება თითოეულ რეგისტრირებულ რობოტზე. კატეგორიაში ოფიციალური შეჯიბრი ტარდება, თუ მასში ტექნიკურად დაშვებული რობოტებით მინიმუმ 12 განსხვავებული გუნდი მონაწილეობს (სასურველია 16). 27 კგ კატეგორიაში (GRA Lightweight) ამჯერად რეგისტრაცია არ მიმდინარეობს.
გუნდის კაპიტანი ამ გვერდზე არეგისტრირებს გუნდს და ირჩევს წონით კატეგორიებს. რეგისტრაციისას გუნდი წარადგენს საკონტაქტო და ტექნიკურ ინფორმაციას: რობოტის ზომებს, იარაღის ტიპს, კვების წყაროებსა და სხვა მნიშვნელოვან მექანიზმებს.
შეჯიბრამდე მინიმუმ 14 დღით ადრე გუნდი აგზავნის რობოტის აწყობის პროცესისა და მიმდინარე მდგომარეობის ფოტოებს ან ვიდეოს, მოკლე კომენტარით.
ყველა რობოტი გადის წინასწარ ტექნიკურ შემოწმებას. თუ რობოტი შემოწმებას ვერ გაივლის, გუნდი ასწორებს ხარვეზს და შეჯიბრამდე 3 დღით ადრე მოდის განმეორებით შემოწმებაზე.
აწონვა და უსაფრთხოების ფუნქციების შემოწმება. შემოწმების შემდეგ რობოტი ილუქება და ღონისძიების დაწყებამდე ორგანიზატორთან ინახება.
ჩემპიონატის ოფიციალურ თარიღსა და ადგილს გუნდები რეგისტრაციის დასრულებამდე მიიღებენ, შემოწმებების ზუსტ დროსა და ადგილს კი ცალკე.
Robo Battle არის საქართველოს რობოტიკის ასოციაციის (GRA) მიერ ორგანიზებული საბრძოლო რობოტების ჩემპიონატი. გუნდები ქმნიან საკუთარ დისტანციურად მართვად რობოტებს და ერთმანეთს სხვადასხვა წონით კატეგორიაში ეჯიბრებიან. ბრძოლაში ერთდროულად ორი რობოტი მონაწილეობს და ის 3 წუთს გრძელდება.
ყველას, ვინც მინიმუმ 16 წლისაა. გუნდში 2-5 წევრია და სულ მცირე ერთი მათგანი სრულწლოვანი უნდა იყოს. 18 წლამდე მონაწილეს სჭირდება მშობლის ან კანონიერი წარმომადგენლის წერილობითი თანხმობა. გუნდი ასახელებს კაპიტანს; ბრძოლის დროს რობოტს მართავს მაქსიმუმ ორი წინასწარ დასახელებული წევრი.
GRA Antweight (500 გ), Beetleweight (1.5 კგ), Hobbyweight (5.4 კგ) და Featherweight (13.6 კგ). 27 კგ კატეგორიაში (GRA Lightweight) ამჯერად რეგისტრაცია არ მიმდინარეობს. ერთ გუნდს შეუძლია რამდენიმე რობოტის რეგისტრაცია, მათ შორის სხვადასხვა კატეგორიაში, მაგრამ ერთი რობოტი მხოლოდ ერთ კატეგორიაში ასპარეზობს.
კონტროლირებადი მოძრაობა და მინიმუმ ერთი აქტიური საბრძოლო მექანიზმი (სოლი ან ჯავშანი მარტო იარაღად არ ითვლება); გარედან ხელმისაწვდომი ფიზიკური მთავარი გამთიშველი; ჩართულობის ინდიკატორი; იარაღის მექანიკური ბლოკატორი; სიგნალის დაკარგვისას ავტომატური გაჩერება (fail-safe). ბატარეების ჯამური ნომინალური ძაბვა — არაუმეტეს 75 V. დეტალები წესებშია.
მინა, ადვილად მსხვრევადი კერამიკა, რადიოაქტიური და სახიფათო მასალები; ჭურვები და მოწყვეტადი ნაწილები; ცეცხლი, სითხე, გაზი, ფხვნილი ან წებო იარაღად; კვამლის, ასაფეთქებელი და პიროტექნიკური საშუალებები; მფრინავი რობოტები, შიდაწვის ძრავები, ბადეები, ელექტროშოკი, EMP და რადიოსიგნალის ჩამხშობები. პნევმატიკა და ჰიდრავლიკა მხოლოდ წინასწარი წერილობითი თანხმობით.
ბრძოლა 3 წუთს გრძელდება. თუ ამ დროში ნოკაუტი ან დანებება არ მოხდა, გამარჯვებულს სამი დამოუკიდებელი მსაჯი ავლენს სამი კრიტერიუმით: ფუნქციური დაზიანება (5 ქულა), შეტევითი ინიციატივა (3) და მართვა (3). დეტალურ სისტემას გუნდები შეჯიბრის წინა დღეს მიიღებენ.
საბრძოლო არენის იატაკი 4 × 4 მ-ია, შიდა სიმაღლე 3 მ; იატაკი მიწიდან 0.40 მ-ზეა აწეული. ჩარჩო და იატაკი ფოლადისაა, დამცავი პანელები — 6 მმ პოლიკარბონატის.
ROBO BATTLE 2026 გადაიდო. საქართველოს საბრძოლო რობოტების ჩემპიონატი 2027 წლის თებერვლის ბოლოს ან მარტის პირველ ნახევარში გაიმართება, სახელით ROBO BATTLE 2026-2027. რეგისტრაცია ხელახლა გაიხსნა, 25 დეკემბრამდე.
საქართველოს რობოტიკის ასოციაცია საჯარო და კერძო სკოლებისთვის აცხადებს მიღებას STEAM პროექტების კონკურსზე, რომელიც გაიმართება 20 ივნისს თბილისში, რადიოქალაქში
საქართველოს რობოტიკის ასოციაცია (GRA) და Kakhas RC საქართველოს STEAM და რობოტიკის ჩემპიონატის ფარგლებში წარმოგიდგენთ RC მანქანების ჩემპიონატს - რადიო-კონტროლირებადი (RC) მანქანების რბოლას, რომელიც 20 ივნისს, თბილისში, რადიოქალაქში გაიმართება.
En 